Вакцинациядан бас тартқандарға қандай қауіп төнуі мүмкін?
Қызылшаға қарсы вакцинация вирустан қорғай отырып, тұрақты иммунитетті қалыптастыруға бағытталған. Бұл жеке қорғаныс қана емес, сонымен қатар аурудың қоғамда таралуын болдырмауға ықпал етеді.
Әдетте қызылшаға қарсы вакцинация бүлдіршіндерге қойылады, бірақ ересектерге де иммунитетті күшейту қажет болуы әбден мүмкін. Вакцинация балаларға арналған белгілі бір кесте бойынша егіледі, ал ересектер бұрын алмаған немесе вируспен байланысу қаупі бар болса, вакцина алуға мүмкіндігі бар.
«Қызылшаға, қызамыққа және паротитке (ККП) қарсы егу әдетте екі рет жасалады — баланың12 айында және 6 жаста. Қазіргі эпидахуалға байланысты қосымша иммундау жұмыстары жүргізілуде.
2024 жылғы 6 қарашадан сәуірге дейін ҚКП қосымша егуді 6 айдан 11 айға дейінгі 350 мыңнан астам бала алуы тиіс. 5 желтоқсаннан бастап 2 жастан 5 жасқа дейінгі балаларды вакцинациялау басталады-олардың саны 940 мыңнан асады.
Балалық шағында қызылшаға қарсы екпе алмаған ересектер де екпе алу үшін емханаға жүгіне алады», — деп мәлімдеді денсаулық сақтау министрлігі.
Министрлік егер ересек адам бала күнінде вакцина алмаған болса, оған жергілікті емханада қызылшаға қарсы екпе алу мүмкіндігі бар екенін еске салды.
