Бурабай ауданының жергілікті билігі мәдениет саласын дамытуға айтарлықтай көңіл бөлуде. Айталық ауданда 38 мәдениет мекемесі жұмыс істеп тұр. Аудандағы 6 шығармашылық ұжым «Халық» атағына ие болып, 3 ұжым «Үлгілі» деп танылды. Осы және өзгеде мәдени жетістіктер жайлы аудан әкімінің орынбасары Рамазан Мерей брифингте мәлімдеді, деп хабарлайды Өңірлік коммуникациялар қызметінен._
Аудан әкімінің орынбасары Мерей Рамазанның айтуынша, мәдениет – ауданның рухани байлығын арттыру және әлеуметтік өмірді жақсарту үшін маңызды сала болып табылады. Оның пікірінше, мәдениет арқылы халықтың бірлігі мен ынтымақтастығын нығайтуға, сондай-ақ жастардың рухани дамуына ықпал етуге болады.
«Біз мәдениет саласының дамуына ерекше назар аударамыз, себебі бұл тек аудан тұрғындарының рухани байлығын арттыруға ғана емес, қоғамның әлеуметтік дамуына да үлкен әсер етеді. Осы жылы еліміз үшін және өңір үшін маңызды шара «Ұлттық құрылтай» Бурабай баурайында өтуі біз үшін үлкен мәртебе. Қазір оған дайындық жұмысы жүргізілуде», деп атап өтті Мерей Рамазан.
Бүгінде Бурабай ауданында 38 мәдениет мекемесі, оның ішінде 8 клуб пен мәдениет үйі, 30 кітапхана жұмыс істейді. Мәдениет саласына жасалып жатқан инвестициялардың нәтижесінде өткен жылы аудандық кітапхана қорында кітаптар жаңарған.
«Аудандағы 6 шығармашылық ұжым «Халық» атағына ие болып, 3 ұжым «Үлгілі» деп танылды. Бұл біз үшін үлкен жетістік. Біз ауданның мәдени деңгейін көтеру үшін тынымсыз жұмыс істеп жатырмыз және бұл жұмыстардың нәтижесін көріп отырмыз» , деп толықтырды аудан әкімінің орынбасары.
Мәдениет саласы ауылдарды жерлерде де дамып келеді. Яғни сұраныс бар. Мәдениет үйлеріне жөндеу жұмыстары жүргізілуде. Мысалы, биыл Ұрымқай ауылының мәдениет үйін жаңарту жоспарланған.
Еске сала кетсек, өткен жыл айтулы даталарға толы болды. Осы ретте, ауданда Қаныш Сәтбаевтың 125 жылдығы, Р. Қошқарбаевтың 100 жылдығы, Біржан салдың 190 жылдығы сияқты ірі мерейтойларға арналған 600-ден астам мәдени шара өттізілген. Аудан әкімінің орынбасары бұл шаралардың маңыздылығын атап өтті.
Айтуынша, Ұлттық тұлғалардың мерейтойларын тойлау – тарихты еске алып, жастарды еліміздің мәдени және рухани мұраларымен таныстырудың бір жолы. Бұл бағыттағы жұмыс алдағы уақытта да жалғасатын болады.
