Қазақтың зергер бұйымдарын Иордания патшайымы тағып жүр. Патшайым Рәния әл-Абдулланың алқалы жиындағы қазақи нақыштағы образы қызу талқыға түскен, деп хабарлайды Ulysmedia.kz.
Тағы да оқыңыздар
Жүздеген миллионның бұйымдары: олигархтардан тәркіленген қымбат әшекейлер сатылады
Иордания патшайымы әлем назарын Газаға аударуға шақырды
Қайтарылған активтер: 196 зергерлік бұйымды мемлекет аукцион арқылы сатқалы отыр
ТОҒЫЗ ЖЫЛ БҰРЫН
КТК мәліметінше, кадрлар Иордания тәуелсіздігінің 70 жылдығында түсірілген. Корольдің жұбайы ұлттық әшекейді көпшілік алдына тоғыз жыл бұрын алғаш тағып шығыпты.
Содан бері Рания әл-Абдулланың образы көптің есінде қалған. Әсіресе қыз-келіншектер қазақтың ою-өрнегін замануи стильмен үйлестіруді сәнге айналдырған. Оны зергерлер де растап отыр. Иордания патшайымы таққан әшекейлердің авторы — зергер Берік Әлібай.
Ол монархтың мойнынан өз қолымен жасаған әшекейді көрем деп ойламаған екен.
— Рәния ханымға мен өзім берген жоқпын. Жаңағы фотоны жібергенде, Рәния мойнына тағып тұрған бойтұмар көзіме оттай басылды. Өйткені ол тек қазақтың ғана емес, ол менің жасаған бұйымым дедім. Иә, сұраныс артты. Негіз қазір тұмаршаға, бойтұмарға сұраныс көп. Қанша жасасаңыз да, сонша сатылып кетеді, дейді зергер Берік Әлібай.
