Этносаралық достық пен қоғамдық келісім – Қазақстан қоғамының орнықтылығы мен ұзақ мерзімді дамуының негізгі факторларының бірі. 130-дан астам этнос өкілдері өмір сүретін ел жағдайында ашық диалог құру, өзара сенімге негізделген қарым-қатынас орнату тек мәдени құндылық қана емес, стратегиялық қажеттілікке айналды.
Сарапшылардың пікірінше, Қазақстанда өзара құрметке, қолдауға және ортақ жауапкершілікке негізделген этносаралық төзімділіктің бірегей моделі қалыптасты. Бұл модель қақтығыстардың алдын алуға, әлеуметтік капиталды нығайтуға және барлық этнос өкілдері өзін біртұтас азаматтық ұлттың бөлінбес бөлігі ретінде сезінетін орта құруға мүмкіндік береді.
Дәл осы келісім елдегі реформалардың табысты жүзеге асуына, модернизацияның қарқынды жүруіне және Қазақстанның халықаралық аренадағы бәсекеге қабілеттілігінің артуына негіз болып отыр.
Атбасар ауданының Аналар кеңесінің төрайымы Комбатурова У. Д.
